Konseho mideklarar sa Oktubre isip IP Month sa dakbayan

DAKO ang kalipay ni Konsehal Roberto Cabaring, Chairman sa Komite sa Cultural Communities, nga mahatagan og kahigayonan maselebrar ug mapasundayag sa mga lumad ang ilang mga kontribusyon sa katilingban ug padayong mapalambo ang pagpanalipod sa ilang katungod sa kultura ug kabilin.

Kini human hiniusang giuyonan sa konseho sa syudad atol sa sesyon  niadtong Lunes nga gidumala ni Bise Mayor Bebot Rodriguez ang pagdeklarar sa buwan sa Oktobre isip Indigenous Peoples (IP) Month ug ang Oktubre 24 isip Thanksgiving Day sa mga lumad dinhi sa dakbayan sa Cagayan de Oro.

Ang maong selebrasyon nagdala sa tema, Mga Katutubong Dunog: Pahalagahan, Pangalagaan at Parangalan.

Gipasabot ni Konsehal Cabaring nga ang maong selebrasyon gipahaom dungan sa anibersaryo sa pagsagop sa Indigenous Peoples Rights Act (IPRA).