Konseho miaprobar sa SB1 sa Brgy. Indahag

GIAPROBAHAN sa Konseho sa Syudad, sa sesyon niadtong Lunes nga gidumala ni Bise Mayor Bebot Rodriguez, ang gisumeteng Supplemental Budget No. 1 sa Barangay Indahag balor P2,745,767.00.

Gihatagan og prayoridad nga mapatuman ubos 20 porsyentong development fund ang paghimo og movable railings nga magamit panahon nga adunay mga opisyal nga kalihukan sa ilang dapit.

Dugang gigahinan sa barangay mao ang ilang maintenance and other operating expenses sama sap undo pagpalit og gasoline alang sa mga sakyanan pang-emerhensiya, pundo alang sa cultural and athletics program, food supplies expenses ug uban pang programa ug proyekto nga makatabang sa pagpalambo sa serbisyo ngadto sa katawhan sa barangay.

Ang resolusyon nga gipasaka sa Konseho alang sa maong katuyuan gipaluyohan sa Komite sa Barangay Affairs ni Konsehal Yan Lam Lim ug Komite sa Pamalaod ni Konsehal Edgar Cabanlas.