Konsehal Suzette mitunol og foodpacks sa mga trisikad drivers

SI Konsehal Suzette Magtajas-Daba, chairman sa komite sa edukasyon sa konseho, nagpadayon sa pagtunol og hinabang ngadto sa katawhan nunot niining nasinating kalisod dala sa Covid-19 pandemic.

Natunolan sa konsehal niadtong miaging semana ang mga trisikad drivers nga labaw’ng naapektohan ang kinitaan human gipaubos sa Enhanced Community Quarantine (ECQ) ang syudad ug sa tinguha nga maalalayan kini sa kalisod nga ilang nasinati karong

panahona.

Gipasabot ni Konsehal Suzette nga tungod sa temporaryong pagsirado sa mga establisemento wala nay mga pasahero ang mga trisikad drivers nga diha gikuha ang ilang inadlaw’ng kinitaan.

Si Konsehal Suzette mibutyag nga magpadayon ang iyang pagtunol og hinabang labina ngadto sa mga tawo nga labaw’ng nanginahanglan aron nga maalibyohan man lang ang kalisod nga gibati karon.

Niini, nanghinaot si Suzette nga bisan sa ginagmay nga ayuda nga iyang natunol sa mga trisikad drivers maminusan ang kalisod nga ilang gibati karong panahona.