Konsehal Seno nabalaka sa pipila ka straktura sa billboard nga peligro sa publiko

NABALAKA si Konsehal John Michael Seno, chairman sa komite sa Sports and Youth Development, human iyang nasuta nga adunay mga istraktura sa billboards sa syudad nga nakadaot ug nakahatag na og kapeligro sa kinabuhi sa publiko.

Kini ang gipaabot ni Konsehal Seno sa tigom sa Committee of the Whole sa miaging adlaw nga gidumala ni konsehal Romeo Calizo human gituki ang giingong mga ilegal nga straktura sa mga billboards nga natukod sa lain laing dapit .

Segun sa report sa buhatan sa DPWH-Region 10 nasayran nga adunay 24 ka straktura sa billboard ang natukod nga wala nila mailhi ang mga tag-iya niini.

Samtang ang buhatan sa Building Official (OBO) mibutyag nga aduna usay 6 ka istraktura nga giingong gawas nga peligroso nakaapekto pa gyud sa flood control project sa syudad.

Niini, si Konsehal Seno kusganong mihangyo sa konseho ug sa mga hintundang ahensya nga moluwat na og insaktong mga pamaagi ug aksyon kalabot sa kalapasan sa maong mga billboards.

Dili na huwaton nga adunay katawhan nga maamong sa maong mga istraktura, pamahayag ni konsehal.