Konsehal Salcedo mitunol og foodpacks sa mga drivers dihas Indahag

LAING hugna sa pagpanghatag og ayuda ang gipahigayon ni Konsehal Enrico Salcedo, chairman sa komite sa Environment and Natural Resources sa konseho diha sa Barangay Indahag ning syudad.

Lakip sa natunolan sa konsehal niadtong Lunes, Agosto 23 ning tuig ang mga habal habal ug motorized drivers nga labaw’ng naapektohan ang kinitaan nining panahon sa pamdemya dala sa Covid-19.

Si Barangay Kagawad Fe Nambatac mainitong mipasalamat ni Salcedo sa mga food packs nga iyang giapod-apod ngadto sa mga drivers ug midayeg tungod sa pagsanong sa iyang hangyo.

Sa iyang bahin si Konsehal Salcedo mibutyag nga magpadayon ang iyang pagtunol og hinabang labina ngadto sa mga kabus nga labaw’ng nanginahanglan aron nga maalibyohan ang kalisod nga gibati karong panahona.