Konsehal Salcedo misugyot matun-an ang pagreseta sa Ivermectin

GISUGYOT ni konsehal Enrico Salcedo, chairman sa komite sa Environment and Natural Resources nga matun-an ang pagreseta sa Ivermictin nga tambal ngadto sa mga pasyente sa Covid-19.

Kini ang unod sa special report ni Salcedo sa sesyon sa konseho niadtong Lunes nga gidumala ni Bise Mayor Kikang Uy.

Sumala ni Salcedo nga siya mismo ug ang iyang kapikas ang nagkasakit ug nakasinati sa mga simtomas nga susama sa Covid-19 sama sa ubo, sip-on ug pagkawala sa iyang panimhot apan kini nahupay sa ilang pagtumar sa maong tambal human usab kini

girekomendar sa iyang higala nga doktor.

Gipasabot ni Salcedo nga tungod sa maong kasinatian, iyang gisugyot nga matun-an sa hintungdang komite sa konseho ang pagreseta sa maong tambal ngadto sa pasyente sa Covid-19 tungod sa ka epektibo niini diha sa iyang pagpanambal.