Konsehal Salcedo misugyot ma plastar daan ang assessment sa buluhisan sa sunod tuig

GISUGYOT ni Konsehal Salcedo nga maplastar na daan ang assessment sa mga buluhisan nga ipatuman sa sunod tuig.

Kini ang reaksyon ni Salcedo sa special report ni Konsehal Ian Mark Nacaya sa sesyon sa konseho niadtong Lunes nga gidumala ni Bise Mayor Kikang Uy kalabot sa mulo nga iyang nadawat gikan sa pipila ka negosyante mahitungod sa buhis nga ilang nabayaran.

Mahinumduman nga taas nga panahon nga gipaubos sa Modified Enhanced Community Quarantine (MECQ) ug Enhanced Community Quarantine (ECQ) ang dakbayan sa Cagayan de Oro nga diin daghang mga negosyante ang naapektohan ang ilang operasyon ug naapektohan ang ilang mga kinitaan.

Gipasabot sa konsehal nga sa niagi paning tuig nga gihangyo sa mga negosyante nga ma konsiderar ang mga multa ug usbaw sa buluhisan.

Nanghinaot si Konsehal Salcedo nga pinaagi sa komite sa trade and commerce maplastar nang daan kini aron mahimoan sa gikinahanglang ordinansa sa ingon madeterminar kon unsang tuig ang basihan sa assessment sa buhis alang sa kaayuhan sa tanan.