Konsehal Nacaya misugyot pagpatawag og asembliya sa IP Council

GISUGYOT ni Konsehal Ian Mark Nacaya, Chairman sa Komite sa Planning, Research and Innovation  and People’s Organization  Accreditation,  ngadto  sa  konseho  sa Indigenous People sa syudad ang pagpatawag og asembliya aron hingpit nilang mahisgutan ang katuyoan sa pagpatuman sa ilang IP Justice System.

Kini ang reaksyon  sa konsehal  sa special report ni Konsehal James Judith sa sesyon sa konseho niadtong Lunes nga gidumala ni Bise Mayor Bebot Rodriguez kalabot sa iyang  sugyot  nga iagi una sa IP Justice System ang mga bangi nga naglambigit sa mga IPs sa dili pa kini husayon sa Katarungang Pambarangay.

Sumala  sa konsehal nga nahitabo na kini diha sa Cugman  nga adunay nasang-at nga sumbong nga naglambigit sa  mga lumad  nga misamot sa pagpasaka niini ngadto sa korte  apan tungod sa hingpit nga pag-claim sa IPRA kon Indigenous People Republic Act, usa kini ka  balaod nga nag-ila ug nagpromote sa katungod sa Indigenous Cultural Communities and Indigenous People sa nasud,  girelease sa korte ang maong kaso  ngadto  maong  council  ug  sila na ang mipakanaog  og resolusyon alang sa maong katuyoan.

Subay niini, si Konsehal Nacaya mibutyag  nga uyon siya nga dili  manginlabot sa internal nga trabaho ug gimbuhaton  sa maong organisasyon  kay gani ang nasyonal nga kagamhanan pinaagi sa  korte ila man gipadaplin ang ilang aksyon  pabor sa organisasyon.