Konsehal Moreno misugyot pagpalit og decibel meter

GISUGYOT ni Konsehal Imee Moreno nga makonsiderar sa kagamhanan  ang pagpalit sa decibel meter nga magamit pag determiner sa kakusog sa tingog sa mga tambotso sa mga salakyan og motorsiklo.

Kini ang  reaksyon sa konsehal sa  special report ni Konsehal Jose Pepe Abbu   sa sesyon niadtong Lunes  nga gidumala ni Bise Mayor Bebot Rodriguez  mahitungod sa polusyon sa kasaba gikan sa mga tambotso sa mga salakyan nga labihan kasaba  ug disturbo sa katawhan labina panahon sa kagabhion.

Mibutyag si Konsehal Moreno nga labing maayo nga adunay kahimanan  ang syudad sama sa decibel meter  aron madeterminar ang gikusgon sa kasaba sa maong mga tambotso sa ingon madeterminar ang sukaran sa pag-aresto kanila hinungdan iyang gihangyo nga makonsidera ug mahisgutan kini sa Komite sa Public Order.