Konsehal Lim nanawagan sa katawhan magtinabangay paglimpyo sa mga kanal, nataran

HUGOT nga nanawagan si Konsehal Yan Lam Lim, miembro sa Komite sa Public Workshttps://www.cdeocitycouncil.com/projects/public-works, ngadto sa katawhan nga suportahan ang kampanya sa lokal nga kagamhanan paglimpyo sa mga kanal ingon man sa ilang tagsa tagsa ka nataran.

Kini ang panawagan sa konsehal samtang gipahigayong ang ground breaking sa Operation Likay Baha: “Canal Limpyohan, Baha Malikayan“ didto sa Barangay Lumbia.

Sumala sa konsehal nga kinahanglan nga manglimpyo ang katawhan sa ilang tagsa tagsa ka nataran ug kon gikinahanglan nila ang  tabang sa ekipo mahimong modangop sila sa ilang kapitan  aron kini maindorsar ngadto sa City Engineeering Office alang sa maong katuyoan.

Kinahanglan nga magtinabangay ang katawhan alang sa kaayuhan sa dakbayan, pamahayag ni Konsehal Lim.