Konsehal Lim misuporta sa gipasakang petition for intervention

“TABANGAN  nato  ang atong katawhan nga dili  sila maglisod”.

Kini ang pamahayag ni Konsehal Yan Lam Lim, Chairman sa Komite sa Barangay Affairs, atol sa gipahigayong special session  sa konseho kagahapong adlawa nga gidumala ni Bise Mayor Bebot Rodriguez samtang gituki ang  ordinansa nga maghatag panugot sa mayor pinaagi sa City Legal Officer pagpasaka og petition alang sa interbensyon sa Special Civil Case No. R-CDO-24-01683-CV (Cagayan de Oro Water Disrtrict vs. Metropac Water Investment Corp. et.al) ug Special Civil Case No. R-CDO-24-01694-CV (Ronnie M. Waniwan, et.al vs. Cagayan de Oro Bulk Water, Inc., et.al).

Sumala ni Lim nga naa sa kontrata tali sa COWD ug COBI ang problema kay gani sauna pa gihangyo naman kini nga ipagawas ang kontrata ug dili na unta moabot kini nga  panahon nga naapektohan ang  tanan.

Si Konsehal Lim mipasabot  nga kinahanglan tabangan ang katawhan nga dili maglisod sa tubig mao nga adunay gihimong  interbensyon aron nga mapadayag kini ngadto sa korte  aron nga  isip  mediator  masayod ta  kon kinsa ang insakto sa ila  kay  matod sa COWD wala silay utang samtang ang COBI miingon nga naay utang.