Konsehal Lim mihangyo dili gamiton ECCD teachers panahon’s eleksyon

“DILI unta nila gamiton sa eleksyon ang mga Early Childhood Care and Development (ECCD) teachers.”

Kini ang gibutyag ni Konsehal Yan Lam Lim atol sa gipahigayong joint meeting sa Komite sa Edukasyon, Komite sa Social Service, ug Barangay Affairs sa milabayng semana nga gidumala nila ni Konsehal Suzette Magtahas Daba, Girlie Balaba ug Lim samtang kamulo  gihisgutan  ang sugyot balaodnon nga mag-professionalize sa ECCD teachers.

Sumala pa ni Konsehal Lim nga dili hinoon tanan, apan adunay pipila ka kapitan gagamiton ang mga ECCD teachers panahon sa eleksyon.

Niini, siya mipahimangno ug mihangyo sa mga kaubang kapitanes nga hunungon na kini aron dili usab mabutang sa alanganin ang  panginabuhian sa  mga magtutudlo.