Konsehal Judith mirekomendar pagmugna og Ad Hoc Committee

Girekomendar ni Konsehal James Judith ang pagmugna sa Ad Hoc Committee nga mauy tahasan sa pagtuki sa audit report nga giluwatan sa Commission on Audit (COA) kalabot sa mga proyekto nga wala pa makompleto sa gitakdang panahon.

Kini ang reaksyon sa Konsehal sa special report ni Konsehal Edgar Cabanlas sa session niadtong Lunes nga gidumala ni Bise Mayor Bebot Rodriguez, kabahin sa mga proyekto nga giingong nagamit na ang mobilization funds apan wala pa makompleto ang proyekto sa getombok nga panahon sumala sa pagsusi sa maong ahensya.

Gipasabot ni Konsehal Judith nga kaakohan sa konseho ngadto sa katawhan ang pagsusi niini og angayan nga magmogna og Ad hoc Committee aron pagtobag sa report sa COA.