Konsehal Goking nahingawa sa disconnection letter sa COBI

HUGOT nga nahingawa si Konsehal George Goking  sa isyu  kalabot sa disconnection letter nga giisyu  sa Cagayan de Oro Bulk Water Inc.  ngadto sa Cagayan de Oro Water District (COWD).

Kini ang gipadayag sa konsehal  sa sesyon niadtong Lunes nga gidumala ni Bise Mayor Bebot Rodriguez sa special report ni Konsehal Ian Mark Nacaya mahitungod sa problema sa tubig sa syudad.

Mibutyag si Konsehal Goking nga angayan  hatagan sa igong pagtagad  ug  tutokan sa kagamhanan ang pagresolbar sa maong problema aron dili mosamot nga mawad-an og koneksyon sa tubig ang katawhan.

Gipasabot usab sa konsehal nga  tungod kay aduna may pending  nga disconnection  letter ang kompanya  kinahanglan  magtinabanga ang tanan pagresolba niini labina nga dako kaayo og epekto sa ekonomiya sa dakbayan kon walay igong supply  sa tubig.