Konsehal Esparcia suportado ang pagpatuman sa Palengke QR

SUPORTADO ni Konsehal Bernie Esparcia, Chairman sa Komite sa Climate Change, ang sugyot ordinansa nga nagdasig sa tanang business establishment ug transportations pagsagop sa QR Ph Digital Payments alayon sa Palengke-QR Ph Plus Program.

Sa tigom sa komite sa Trade and Commerce niadtong Martes nga gidumala ni Konsehal George Goking, si Esparcia mibutyag nga sa unang pagpaila sa maong programa, wala pa masabti pag-ayo ang katuyoan niini.

Gipasabot ni Esparcia nga dili hingpit nga digital ang pagbayad kon dili magsilbi kining kapilian sa  katawhan diha sa ilang pagbayad.

Sumala niya nga klaro kaayo ang katuyuan niini nga mao ang paghatag lamang og kapilian o option sa katawhan sa ilang pagbayad alang sa kasayon panahon sa ilang pagpangompra ug sa ingon maiway sa mga scam.

“Alang kanako sa committee level suportado nako ang pagpalabang niini,” pamahayag ni Esparcia.