Konsehal Esparcia pabor pagtukod og senior citizens, children park dihas Project Lunhaw sa Carmen

PABOR ug uyon si Konsehal Bernie Esparcia, Chairman sa Komite sa Climate Change sa sugyot   pag-establisar ug pagtukod ug Senior Citizens ug Children Park dinhi sa syudad.

Kini human ang Komite sa Senior Citizens sa tigom niadtong Mierkoles nga gidumala ni Konsehal Yevonna Yecine Emano nagtigom ug gihisgutan ang special report ni Konsehal Roger Abaday  alang sa maong katuyuan.

Sumala ni Esparcia nga pabor kaayo siya nga makabaton ug kaugalingong parke ang mga hamtong ug kabataan nga hitsas sa outdoor exercise equipment.

Mahinumdoman nga lakip sa gikonsidera nga mahimong tukuran sa maong facilidad ang Project Lunhaw   diha sa Barangay Carmen katong  kanhi gipahigayon ang  Motor Cross di palang dugay .

“We need our very own Senior Citizen and Children Park,” pamahayag ni Esparcia.