Konsehal Esparcia nangusog makabaton sa Speed Gun ug uban pang gamit ang RTA

NANGUSOG si Konsehal Bernie Esparcia nga makabaton na og Speed Gun, breath anylizer ug ubang mahinungdanong kahimanan ang Roads and Traffic Administration (RTA) nga magamit sa ilang operasyon sa kadalanan.

Sa gipahigayong 2024 Executive Budget Hearing nidtong Martes didto sa Mallberry Suite Hotel nga gidumala ni Bise Mayor Bebot Rodriguez, gipangutana ni Esparcia kang Engr. Nonito Oclarit kon nasukip ba sa ilang gidusong budget ang maong kahimanan.

Si Engr. Oclarit mibutyag nga ang maong kahimanan nahisukip na kini sa budget sa kasamtangang tuig ubos Capital Outlay ug sa dili madugay makabaton na sila sa maong gamit. Kona ng road safety ordinance maaprobahan sa dili pa matapos ang tuig 2023 hayan hingpit nang maimplementar ang speed limit, pamahayag ni Engr. Oclarit.

Niini, malaumon si Esparcia nga dako kaayo og ikatabang ang maong mga kahimanan diha sa kapasiguruan ug kaluwasan sa mga motorista.