Konsehal Esparcia misuporta sa kasaulogan sa 2024 IPMC

HUGOT nga gisuportahan ni Konsehal Bernie Esparcia ang kasaulogan sa 2024 Indigenous Peoples Month Celebration ug ang  27th IPRA Commemoration nga gipahigayon kagahapong adlaw diha sa City Hall Quadrangle.

Sa iyang mensahe, iyang gipasabot nga labihan ang pag-ayom ayom sa pagpangandam sa preparasyon tungod kay mao pa kini ang unang higayon nga nakabaton ang dakbayan sa konsehal nga nagrepresentar sa mga IP ug iyang nakita ang kadasig ni Konsehal Roberto Cabaring nga nahimo siyang representante sa IP.

Gani, matod sa konsehal nga ang iyang lola usa ka orihinal nga IP sa Higaonon didto sa Claveria, Misamis Oriental, mao nga garbo niya nga usa siya ka Higaonon.  

Hinoon gipasabot ni Konsehal Esparica nga anaa kanunay ang suporta sa konseho sa tanang  kaayohan nga gustong ipaabot ni Cabaring  sa mga IP ug nagpasalamat sa tanang nakigbisog ug padayong naningkamot nga dili mawala ang kultura sa mga Higaonon maong dili lang mabalaka kay aduna na silay representante nga nagpakabana kanila ug andam motabang sa mga lumad.