Konsehal Esparcia misugyot mahimong kabahin ang IP’s sa Higalaay Festival

SI Konsehal Bernie Esparcia  hugot nga misugyot nga mahimong kabahin ang mga Indigenous Peoples sa mga kalihukan nga ipahigayon  labina sa Higalaay Festival.

Sa tigom sa Komite sa Cultural Communities niadtong Biernes nga gidumala ni Konsehal Datu Roberto Cabaring,  mibutyag  si Konsehal Esparcia nga angayan nga mahimong kabahin ang mga IP sa mga kalihukan sa syudad aron aduna usab silay partisipasyon isip mga Kagay-anon.

Sumala sa konsehal nga angayan adunay kalihukan alang kanilang mga IPs aron makita sa katawhan ang ilang  mga talento.