Konsehal Emano uyon sa professionalization sa ECCD

UYON si Konsehal Yvy Emano sa sugyot ordinansa nga mag-professionalize sa Early Childhood Care and Development teacher sa syudad.

Kini ang gibutyag  sa konsehal atol sa  gipahigayong joint meeting sa Komite sa Social Services, Komite sa Edukasyon ug Komite sa Barangay Affairs nga gidumala nila ni Konsehal Gerlie Balaba, Suzette Daba ug Yan Lam  Lim nga nagtuki  sa maong sugyot ordinansa.

Hinoon, giklaro lang sa konsehal nga dili siya uyon nga mahimong usa sa basehan sa pagpalabang sa ordinansa  tungod kay  gigamit kini  sa mga kapitanes sa pamolitika .

Gani, gihimong pananglitan ni Konsehal Emano si Konsehal Rustico Achas nga  sa iyang pila ka tuig nga kasinatian isip punong barangay wala gayud  kini manghilabot  sa mga maestra.

Sa iyang bahin, ang   representante sa City Social Welfare and Development (CSWD) mikompirma  nga tinood kini  kay adunay mga ECCD teachers  nga  nagsulat pagkahuman gyud sa eleksyon  nga nagpahibalo nga gipangtangtang kini, butang nga iyang ikahingawa tungod  walay ordinansa nga nagprotektar kanila ug diskrisyon sa kapitan ang natuman.