Konsehal Daba andam mahimong kabahin sa mga medical personnel

Hugot nga gipadayag ni Konsehal Reuben Daba, chairman sa komite sa blue ribbon nga mahimong kabahin sa mga medical workers nga nagserbisyo nining panahon sa pandemya.

Kini ang gipadayag sa konsehal agig reaksyon sa special report ni Konsehal Ed Cabanlas sa sesyon niadtong Lunes nga gidumala ni Bise Mayor Kikang Uy sa sugyot paghire og dugang medical personnel sama sa doktors ug nurses.

Matod ni Daba nga andam siya nga boluntaryong moalagad ug mamahimong kabahin isip usa ka registered nurse ug naghulat lang siya sa panawagan sa City Health Office.

Gidugang ni Konsehal Daba nga daghan usab mga medical schools nga andam nga motabang pagserbisyo niining pakigbatok sa Covid-19.

Nasayran nga daghang bakuna ang gipaabot nga mahidangat sa syudad sa umaabot Hulyo ug Agosto ning tuig hinungdan nga gikinahanglan ang dugang personahe.