Konsehal Calizo misugyot tun-an una ang 10 -year cave plan sa DENR

HUGOT nga  gisugyot ni Konsehal Romeo Calizo, chairman sa Komite sa Public Order, nga ihikling ug   tun-an  una sa hintungdan komite sa konseho ang gisugyot sa Department of Environment and Natural Resources (DENR) nga 10-year cave management plan alang sa Buntod, Bolutohan ug Calabera Caves.

Kini ang reaksyon sa konsehal sa sesyon niadtong Lunes nga gidumala ni Bise Mayor Bebot Rodriguez human gipresentar  sa taga-DENR  ang ilang gisugyot nga plano.

Sumala ni Calizo nga taas sa kaayo ang 10 ka tuig nga plano alang sa maong 3 ka mga langob nga  walay prospect alang sa turismo tungod kay alang man lang  kini sa proteksyon.

Hinoon, matod  sa konsehal  nga  sa giingong  50 ka langob  nga gitaho sa ahensya, mahimo nga pilion lang kadtong adunay potensyal nga mahimong tourist destination ug kini maoy angayan himoan sa 10-year plan.