Konsehal Cabanlas supak sa operasyon sa Casino

Nabalaka si Konsehal Edgar, Cabanlas, chairman sa komite urban and rural poor and housing development, sa kalit nga pag-abli sa Grand Imperial Casino diha sa Barangay Taboc, Opol Misamis Oriental diin kasikbit lang nga dapit sa dakbayan sa Cagayan de Oro.

Kini ang unod sa special report ni Cabanlas atol sa sesyon ni-adtong Lunes nga gidumala ni Bise Mayor Kikang Uy.

Sumala sa konsehal nga wala sa panahon o dili timing ang pag-operate sa casino tungod kay ana-a pa kita sa pandemia ug padayon pang nagtaas ang kaso sa Covid-19 sa nasud.

Dugang ni Konsehal Cabanlas nga sukad pa sa panahon ni kanhi Mayor Ambing Magtajas uban sa pipila ka mga sector sa katilingban sa syudad mipakita na ang katawhan sa syudad sa pagsupak sa operasyon sa casino.

Niini, nagtoo si Cabanlas nga bisan wala pa ang operasyon sa casino sa syudad pabilin gihapon ang paglambo sa panudlanan sa syudad ug bisan pa nga wala sa atong hurisdiksyon ang maong casino apan tungod kay silingang lungsod ang nahimutangan niini dili ikalimod nga lakip usab kita magpakabana,”pamahayag ni Konsehal Cabanlas