Kon. Judith suportado ang katudloan sa presidente sa City College

SI Konsehal James Judith, chairman sa komite sa arbitration, hugtanong misuporta sa katudloan sa pinaka-unang presidente sa City College nga si Dr. Jestoni Babia, kinsa kanhi nangatungdanan isip Bise-Presidente sa University of San Jose Recoletos sa dakbayan sa Sugbo.

Kini ang gipaambit nga reaksyon ni Konsehal Judith atol sa sesyon niadtong Lunes nga gidumala ni Bise Mayor Bebot Rodriguez.

Sumala ni Judith nga wala siyay pangutana sa salary grade kun kini nahisubay sa gisita nga gabayan sa balaod.

Niini malaumon si Judith sa kalampusan sa operasyon sa  City College sa dakbayan diin nagtuo si Judith nga daghan sa mga tinun-ang anak sa mga kabus ang makapahimulos sa maong programa nga dugay nang gitinguha ug gipaningkamotan sa mga opisyal sa syudad. (MLRapanot/SP)