Kon. Daba gipasalamatan ang RISE TVET scholarship program

SI Konsehal Suzette Magtajas-Daba, chairman sa komite sa edukasyon, kusganong nagpasalamat sa administrasyon ni Mayor Klarex Uy sa kanunay’ng paghatag og oportunidad nga maka-empleyo ang kabatan-onan sa dakbayan.

Mahinumdoman nga hiniusang giuyonan sa Konseho sa Syudad atol sa miaging regular sesyon nga gidumala ni City Vice Mayor Bebot Rodriguez ang managlahing ordinansa nga naghatag katungod ni City Mayor Klarex Uy pagpirma sa Memorandum of Agreement (MOA)  tali sa mga training centers alang sa pagpatuman sa Relevant Industry Skills for Employment (RISE) Scholarship Program.

Gikalipay sa konsehal ang kolaborasyon tali sa syudad ug sa J Arts and Skills Academy and Assessment Center, Inc. nga girepresentaran ni School Administrator, Ms. Jeaneth Laluna Cares; Monark Foundation, Inc.  nga girepresentahan ni Mr. Jose Antonio T. Banson; ECN Lincoln Technical Institute, Inc. nga giprepresentaran ni President, Mr. Dindo M. Ebale; Highlands Technical Training Academy, Inc. nga girepresentaran ni President, Ms. Argelyn S. Boquilla ug Crossroads Training Institute, Inc. nga girepresentahan ni Director, Mr. Lorimer V. Angeles alang sa Technical Vocational Education Training ngadto sa kabatan-onan sa dakbayan.

Nanghinaut si Daba nga unta daghang kwalipikadong residente ang makapahimulos niining talagsaong gitanyag nga scholarship program sa syudad kay ang maong oportunidad maghatag og dugang kaarangan sa ilang panginabuhian. (RNQuiblat/SP)