Kon Calizo: Gun ban panahon sapiliay angay ipatuman sa hingpit

GIPAHAYAG ni Konsehal Romeo Calizo, chairman sa komite sa public order and safety sa konseho nga kinahanglan ipatuman sa hingpit ang gun ban subay sa insaktong gabayan ilabi na sa panahon sa piliay sa nasud.

Sumala ni Konsehal Calizo nga dako og ikatabang alang sa hapsay ug malinawon nga piliay sa nasud ang pagpatuman sa gun ban tungod kay mapakgang man ang mga daotang elemento nga adunay daotang tinguha panahon sa piliay.

Giawhag usab ni Konsehal Calizo  ang katawhan nga mo-report gilayon sa kapolisan kun anaa silay mamatikdang tawo nga adunay kadudahang mga  lihok aron mahatagan sa tukmang aksyon.

Malaumon ang konsehal nga masabot sa katawhan ang katuyuan sa pagpatuman sa gun ban kay alang man kini sa kapasigurohan sa kahusay ug kalinaw panahon sa piliay. (MLRapanot/SP)