Kon. Abaday natingala sa resulta sa SGLG 2024

GIKATINGALA ni Konsehal Roger Abaday ang resulta sa mga mananaug nga lokal nga kagamhanan sa Seal of Good Local Governance (SGLG) 2024.

Kini ang reaksiyon ni Konsehal Abaday sa sugyot resolusyon nga giduso sa Konseho arun makonsidera ang desisyon nga gipakanaog sa Department of the Interior and Local Government-Central Office diin wala maapil ang Cagayan de Oro sa maong prestihiyosong pasidungog.  

 Matud ni Abaday, gidayeg sa mga evaluators ang tanang departamento nga misalmot sa gihimong evaluation sa Seal of Good Local Governance. Gani, napasa sa tanang buhatan ang mga rekisitos ug dokumento nga gipangita sa mga evaluators, sumpay sa konsehal.

 Nunot niini, misugyot si Abaday nga konsiderahon sa DILG ang hangyo sa Dakbayan.