Komite sa turismo magtigom sa Peb 2

Gitahong nawalang hulagway ni Elizaga sa linya sa mga kanhi namunoan sa CDO tukion. Gitakdang magtigom sa umaabot Pebrero 2 sa alas 9:00 sa buntag diha sa hawanan sa konseho ang komite sa Turismo ni Konsehal Jay Roa Pascual.

Tukion sa tigom ang taho ni Konsehal Edgar Cabanlas nga pagtangtang sa hulagway ni kanhi Mayor ug Bise Mayor John Elizaga nga gipahimutang uban sa mga kanhi namunu-an sa syudad dinha sa lobby sa Executive House.

Niini, gidapit sa komite pagtambong sa tigom aron paghatag sa ilang panahum ug opinyon sila si city administrator Atty. Roy Hilario Raagas, acting city tourism officer Rico Libre ug Historical Commission OIC Jesus Christopher Salon.

Ang tigom gipaabot tambongan nila ni Konsehal Suzette Magtajas-Daba, Girlie Balaba, Imee Moreno, Alam Lim, Jose Pepe Abbu, Jr., Aga Suan, Ian Mark Nacaya, James Judith II, ug Bise Mayor Bebot Rodriguez.