Komite sa Public U magtigom

HATAGAN og pagtagad sa komite sa public utilities ni konsehal Teodulfo Lao Jr. ang resolusyon sa barangay Macabalan nga nagpahinumdum sa kadagkoan sa Cagayan de Oro Water District (COWD) sa ilang saad paghatod og mainom nga tubig ngadto sa mga residente sa accretion area sa barangay.

Giingon nga ang COWD sa niaging tigom mipasalig nga mangita sa pamaagi nga masulbad ang problema sa kakulangon sa supply sa tubig sa dapit pinaagi sa paghatod sa mainom nga tubig kaduha matag semana.

Niini, si Lao nagdapit nila ni acting city administrator Teddy Sabuga-a, city legal officer Atty. Jose Sabanal, COWD general manager Engr. Bienvenido Batar ug Macabalan punong barangay Norbel Saa pagtambong sa tigom aron paghatag og katin-awan sa maong hangyo.