Komite sa Public Order magtigom; sulat sa LBC Express tukion

KONSIDERAHON  sa Komite sa Public Order  and Safety  ubos ni Konsehal Romeo Calizo sa ilang tigom karong adlawa ang  sulat ni  Kirl David Libutaque, Area Manager sa LBC Express-North Mindanao.

Siya nagpahibalo nga ang ilang kompanya nakasinati karon og mga hagit nga nakaapekto sa ilang business operation.

Sumala pa nga ila nang gihunong ang remittance services ug igo nalang sila gadawat og parcel ingon man cargo shipments hinungdan nga wala na sila mokuha sa serbisyo sa gwardiya subay sa Ordinance No. 12841-2014 nga nagmando sa mga high risk business establishment pag-hire sa serbisyo  sa mga lisensyadong gwardiya alang sa ilang seguridad.

Lakip sa gidapit sa pagtambong  sa maong tigom  si City Police Director P/Col. Salvador Radam, City Administrator Atty. Hilario Roy Raagas, City Legal Officer Atty. Kenneth Tamala, Mr. Jason Adaza sa Licensing and Permit Division sa buhatan sa Mayor ug  ang  area manager sa maong kompanya.