Komite sa Games motuki sa aplikasyon sa two-wins hack fight special permit
TUKION sa Komite sa Games and Amusement ni Konsehal Roger Abaday ang hangyo sa Indahag Square Garden nga magpahigayon ug two-wins hack fight sa umaabot Pebrero 14, 2024 alayon sa kasaulogan sa Valentine’s Day o Araw ng mga Puso.
Gipasalig sa tigdumala sa maong sabongan nga mahatag nila ang hugot nga seguridad sa tanang partisipante ug mapatuman ang health protocols ingon man ang koordinasyon sa mga lokal nga tigpatuman sa balaod.
Niini, gidapit sa komite pagtambong sa tigom ugmang adlawa aron sa paghatag sa ilang panahum ug opinyon sa maong aplikasyon sila si City Administrator Atty. Roy Hilario Raagas, City Legal Officer Atty. Kenneth Tamala, Regulatory and Compliance Board Chairman Atty. Jose Edgardo Uy, Kapitan Marlon Bonggay sa Barangay Indahag ug Victor Cabeltes, tigdumala sa maong sabungan.
Komentarze