Komite sa games misusi sa Carnaval dihas Limketkai

SI Konsehal Roger Abaday Chairman sa Komite sa Games and Amusement uban sa nagkadaiyang departamento sa City Hall ang mihimo sa ocular inspection sa carnaval diha sa Limketkai.

Kini aron masiguro nga gisunod sa tigdumala ang mga gabayan ug ang gikinahanlang rekisitos alang sa maong matang sa operasyon aron  luwas ang mga sumasakay sa mga rides  diin tipik kini sa kalingawan sa syudad alayon sa kasaulogan sa kapistahan sa patron sa Dakbayan, Senior San Agustin.

Sumala ni konsehal Abaday nga sa ilang pakisusi nasuta nga natuman sa tigdumala ang tanang gisitar nga gabayan sa syudad lakip na niini ang striktong pagdili sa mga menor de edad sa ubang kalingawan ug pagbaligya sa ilimnong makahubog sulod sa carnaval.

Dugang sa konsehal nga gawas nga nakahatag kalingawan sa katawhan ang maong carnaval, nakatabang usab kini sa kinitaan sa syudad.

Nunot niini malaumon si Konsehal Abaday sa kooperasyon sa katawhan aron mahimong mabulokon ug masadya ang mga pamilya nga gustong mosuroy sa maong carnaval.