Komite ni Seno magtigom ugmang adlawa

MAGTIGOM ugmang adlawa, Enero 26, 2022 sa alas 2 sa hapon ang komite sa Sports and Youth Development ni Konsehal John Michael Seno diha sa hawanan sa konseho.

Hisgutan sa tigom ang gisumeteng Sangguniang Kabataan (SK) Annual Budget alang sa tuig 2021 sa Barangay Puntod.

Sa susamang higayon hisgutan usab sa komite ang sugyot sa pag-establisar sa Student Right and Welfare (STRAW)Commission ingon man ang gisumeteng position paper ni CHR Regional Director Atty. Ivy Abrina kabahin sa pagmugna sa Human Rights Action Board sa dakbayan sa Cagayan de Oro.

Niini, si Seno nagdapit nila ni Acting City Administrator Teddy Sabuga-a, Jr, City Legal Officer Atty. Jose Sabanal, City DILG Director Engr. Jane Docallos, City Budget Officer Atty. Percy Salazar, City Accountant Atty. Beda Joy Elot, City Treasurer Jasmin Maagad, City Planning and Development Officer Ramir Balquin, OCA Head Oliver Egypto ug Oro Youth Development Officer James Patrick Santos aron paghatag sa ilang panahom, opinyon ug rekomendasyon sa mga gitakdang hisgotanan.

Gipaabot usab motambong sa tigom sila si City Schools Division Superintendent Dr. Cherry Mae Limbaco-Reyes, CHR-Regional Director Atty. Jeanne Ivy Abrina, City Police Director P/Col. Aaron Mandia, CHED Director Dr. Raul Alvarez, Jr, mga opisyal sa Barangay Puntod ug uban pa.