Komite ni Seno magtigom ugmang adlawa

GITAKDANG magtigom ang komite sa Sports and Youth Development ni Konsehal John Michael Seno ugmang adlawa, sa may alas 2 sa hapon diha sa hawanan sa konseho.

Tipik sa hisgutan sa komite ang Sangguniang Kabataan (SK) Annual Budget sa Barangay 21, Taglimao ug Canitoan ning syudad.

Hisgutan usab nila ang sugyot pagpalig-on sa Oro Youth Code of 2018, pag-establisar sa Student Right and Welfare (STRAW) Commission kun STRAW Code ug ang pagmugna sa Human Rights Action Board sa dakbayan sa Cagayan de Oro.

Niini si Konsehal Seno malaomon sa mga bulawanong opinyon ug rekomendasyon nila ni Acting City Administrator Teddy Sabuga-a, Jr., City Legal Officer Atty. Jose Sabanal, City DILG Director Engr. Jane Docallos, City Budget Officer Atty. Percy Salazar, City Accountant Atty. Beda Joy Elot, City Treasurer Jasmin Maagad, City Planning and Development Officer Ramir Balquin, City Human Resources Management Officer Mimsy Mayuman, Oro Youth Development Officer James Patrick Santos.

Gipaabot usab sa konsehal sila si City Schools Division Superintendent Dr. Cherry Mae Limbaco-Reyes, CHR-Regional Director Atty. Jeanne Ivy Abrina ug uban pa.