Komite ni Abaday motuki sa hangyong 3-stag derby sa Canitoan

KONSIDERAHON sa komite sa games and amusement ubos ni Konsehal Roger Abaday ang aplikasyon ni Mr. Rey B. Daayata, bise presidente sa Canitoan Farmer’s Small Scale Entrepreneur Association (CFSSEA), alang sa pagpahigayon og 3-cock derby sa Canitoan-Pagatpat Cockpit Arena sa umaabot Pebrero 19 hangtod 21, ning tuig, pahaum sa kapistahan sa Sacred Heart of Jesus, ang patron sa maong barangay.

Gilauman sa komite nga andam na ang supporting documents sa maong aplikasyon aron masiguro nga mahiuyon kini sa ordinansa sa syudad ug maduso ngadto sa hawanan sa Konseho.

Ang maong matang sa kalihokan dili lamang magdalag kabibo ug mag-agni sa mga mahiligon sa sabong sa syudad, kun dili makatabang usab sa pagpalambo sa lokal nga ekonomiya ug sa industriya sa turismo.

Gidapit sa maong tigom sila si Kapitan Achilles U. Babaran sa Barangay Pagatpat, City Administrator Atty. Roy Hilario Raagas, ug City Legal Officer Atty Kenneth O. Tamala aron magpaambit sa ilang panahom ug opinyon.