Kombenyenting pagpanakayan sa pasahero gitinguha ni Konsehal Esparcia

GITINGUHA ni Konsehal Bernie Esparcia ang kombenyenting pagpanakayan sa katawhan sa hinterland barangays.

Sa miaging tigom sa Komite sa Public Utilities nga gidumala ni Konsehal Romeo Calizo, si Engr. Nonito Oclarit mipresentar sa konsepto ug rekomendasyon mahitungod sa operasyon sa mga 3-wheeled vehicles kon bao–bao dinhi sa syudad nga diin usa niini ang pagtugot sa mga tricab for hire  diha sa Barangay Lumbia ug kasikbit nga mga barangay sa bukirang bahin sa syudad.

Sumala ni Esparcia nga nalipay siya nga matugotan ang mga tricab nga maka-operate sa hinterland barangay apan iyang gipangutana ang RTA kon mahimo ba sila makarekomendar og drop-off area aron adunay kasayon sa mga pasahero sa ilang pagbalhin ngadto sa mga pampublikong sakyanan paingon sa sentrong bahin sa syudad aron dili na sila maglisod.

Hinoon, si Engr. Oclarit mipasabot nga ang drop-off area ila kining gihubad nga loading ug unloading area ug mahimo nila kining marekomendar tungod kay igo raman sila mopakanaug sa pasahero.