Klarex mipasalamat sa pag-abag sa konseho

DAKO ang pasalamat ni Mayor Klarex Uy sa walay puas nga suporta sa konseho sa syudad ubos ni Bise Mayor Bebot Rodriguez dinha sa pag-angkon sa dugang kaarangan ug kauswagan sa kinabuhi sa mga Kagay-anon.

Sa iyang State of the City Address atubangan sa konseho sa dakbayan atol sa gihimong special session sa milabayng semana, ang mayor mipadangat sa iyang pagdayeg sa gipalabang nga mga balaod sa konseho sama sa City Scholarship Code, pagmugna sa Cagayan de Oro City College ug pagtunol sa amnestiya ngadto sa mga delinkwenteng magbubuhis.

Siya miingon nga ang pagpalabang sa mga balaod nga nagdala sa dugang kalamboan sa dakbayan timaan sa panaghiusa sa ehekutibo ug lehislatura taliwala sa managlahing bulok sa politika.

Niini, siya malaumon sa padayong pagbulig sa konseho sa iyang gihan-ay nga mga proyekto ug programa nga gitumong alang sa pagkab-ot sa kaarangan sa kinabuhi sa matag Kagay-anon.