Kikang miaksyon sa hangyo sa taga-zone 3, Bugo

DALING giaksyonan ni Bise Mayor Kikang Uy ang hangyo sa mga molopyo sa Zone 3, Barangay Bugo.

Sa sulat hangyo sa Zone 3 Landless Petitioner Association gibutyag ang kakulangon sa road right of way sa dapit taliwala nga aduna nay naaprobahang plano sa Department of Environment and Natural Resources (DENR) human na-award sa kapunungan ang lote niadtong tuig 2017.

Matod pa nga gipasiraduan ang kasamtangang lote nga gigamit nga dalan sa mga molopyo hinungdan nga sila midangop sa konseho aron maabagan sa maong katuyuan.

Niini, si Bise Mayor Kikang Uy miduso sa maong hangyo ngadto sa komite sa Urban Poor ni Konsehal Edgar Cabanlas alang sa pagtuon ug tukmang rekomendasyon.