Katig Scholar’s Camp alang sa mga IsDa nagmalampuson

SI Konsehal Suzette Magtajas-Daba, chairman sa Komite sa Edukasyon,  hugot nga nagpasalamat sa kalamposan sa gipahigayong “3-day Katig Scholar’s Camp Wave 3” niadtong Oktobre 25-27, diha sa Pilgrim Christian College Auditorium ug Gardens of Malasag Eco Tourism Village, ning siyudad.

Ang tinuig nga programa sa kagamhanan nga giandam alang sa mga Iskolar sa Dakbayan kon (IsDa) gipasiugdahan sa buhatan sa City Scholarships Office-City Education and Development Department.

Tumong sa maong camp nga mahatagan og talagsaon nga oportunidad alang sa pagkat-on ug nag-awhag sa mga scholar-lider sa pagdiskobre sa ilang kaugalingon ug pag-amuma sa ilang potensyal sa pagpangulo diha sa komunidad ugma damlag.

Nunot niini, kinasingkasing nga nagpasalamat si Konsehal Daba sa tanang IsDa sa pagsalmot sa maong camp ug sa tanang  mga speakers nga gilangkoban nila ni Mr. Liam Aiken Osorio, Mr. Joseph Roldan Tagalog, Atty. Princess Kimberly Ubay-Ubay, Ms. Nadine Casiño, Ms. Herna Frances Mae Tano, Mr. Thor Turrecha ug Mr. Kristoffer John Rivera sa ilang dakong kontribusyon sa kalampusan sa maong kalihokan.