Katawhan gihangyo pagsunod sa health protocols sa IATF

HUGOT nga gipanawagan sa konseho sa syudad ubos ni Bise Mayor Kikang Uy ngadto sa katawhan sa dakbayan ang ilang kooperasyon pagsunod sa mga reglamento sa IATF mahitungod sa minimum health protocols, ordinansa sa syudad ingon man mga kamadoan gikan sa local nga ehekutibo.

Kini aron makontrolar ang pagkuyanap sa Covid 19 labina nagpadayon pa gihapon ang pagsaka sa kaso sa mga natakbuyan sa maong makamatay nga virus.

Mahinumdoman nga ang Department of Interior and Local Government (DILG) miluwat og Memorandum Circular (MC) 2021-058 una nang nanawagan sa tanang barangay kapitan pag-implementar og mga lakang nga makontrol ang pagkuyanap sa

maong makamatay nga virus.

Nasayran nga namatikdan usab nga daghang mga residente sa syudad ang padayon nga naglapas ug nagbaliwala sa mga health protocols ug ubang quarantine regulations .

Nunot niini, gimandoan sa konseho ang tanang opisyal sa barangay alang sa striktong pagpatuman sa mga reglamento sa IATF kalabot sa minimum health protocols diha sa ilang tagsa tagsa ka barangay.