Kasaulogan sa Nat’l Women’s Month sugdan karong adlawa

Si Konsehal Imee Moreno, chairman sa komite sa women and family relations, nagdasig sa katawhan sa dakbayan sa Cagayan de Oro pagsalmot sa kasaulogan sa Women’s Month.

Ang kasaulogan sugdan karong adlawa pinaagi sa usa ka misa dinha sa St. Augustine Cathedral sa alas 7 sa buntag ug motorkada libot sa syduad nga magsumikad dinha sa Gaston Park.

Niini, usa ka programa pahaum sa kasaulogan ang ipahigayon dinha sa Gaston Park diin mopaambit sa ilang mensahe sila si Atty. Melanie Mae Cabanlas, sakop sa GAD GFPS; Shiela Lumbatan, co-chair sa GAD; Konsehal Moreno isip chair sa komite sa women, ug ni Mayor Klarex Uy kinsa mohatag sa iyang inspirational message.Subhan usab karong adlawa dinha sa Gaston Park ang Women’s Month bazaar.

Lakip sa mga nahan-ay nga kalihokan pahaum sa kasaulogan mao ang Breast Cancer Awareness and Screening, Job Fair, Pampering Day sa umaabot Marso 16, 2023, Jail visitation, Gabii sa Kababainhan sa Marso 24 ug daghan pang kalihokan nga gilantawng maghatag og bili sa kinabuhi ug kalampusan sa kababaehan.