Kasangkaran sa pagpatuman sa plano alang sa kinaiyahan, ipresentar sa taga CHUDD

HATAGAN sa pagtagad sa Komite sa Planning, Research and Innovation and People Organization Accreditation ubos ni Konsehal Ian Mark Nacaya, ang gipadalang sulat ni Wendel T. Abejo, Registered Environmental Planner, sa City Housing and Urban Development Department (CHUDD).

Si Abejo buot nga mopresentar sa kasangkaran sa pagpatuman sa plano alang sa kinaiyahan ingon man ang pagpatuman sa mga nahilatid sa Akta Republika 10587 kon Environmental Planning Act of 2013.

Subay niini, gidapit sa komite sa pagtambong sa maong tigom aron madungog ang ilang mga hunahuna ug opinyon sila si Atty. Samuel Rollo sa CHUDD, City Administrator Atty. Hilario Roy Raagas, City legal Officer Atty. Kenneth Tamala ug Human Resource Management Officer Xsyclyn Faith Lumbatan.

Gipaabot usab nga motambong sa tigom sila si Konsehal Imee Rose Moreno, Yan Lam Lim, Malvern Esparcia ug Edgar Cabanlas