Kasaba sa tambotso sa mga matorsiklo dihas Indahag, maminusan na

HAYAN maminusan na ang kasaba diha sa Barangay Indahag nga dala sa labihan kakusog nga tingog sa tambotso sa mga motorsiklo.

Kini human ang konseho sa sesyon niadtong Lunes nga gidumala ni Presiding Officer Protempore Konsehal Romeo Calizo misagop sa resolusyon nga nag-uli sa ordinansa sa Indahag nga nag regulate sa open pipe mufflers sa mga motorsiklo.

Tumong niini nga maminusan ang polusyon sa kasaba sa ilang dapit  nga naggikan sa tambotso sa mga motorsiklo nga nakadisturbo sa katawhan labina  panahon sa ilang pagpahulay.

Gilauman nga pinaagi  sa maong lakang  mahatagan  sa kasulbaran   ang maong problema ug masinati  sa katawhan ang kalinaw.

Ang resolusyon nga gipalabang sa konseho alang sa maong katuyuan gipaluyohan sa komite sa barangay affairs ni Konsehal Yan Lam Lim ug komite sa pamalaod ug reglamento ubos ni Konsehal Edgar Cabanlas. (JRGalano/SP)