Kapitan sa Macasandig mihangyong mapatuman “Hapsay Kable” sa ilang barangay

HATAGAN sa pagtagad sa Komite sa Public Utilities ubos ni Konsehal Romeo Calizo atol sa ilang tigom karong adlawa ang sulat ni Macasandig Punong Barangay Mario Bolanio.

Si Kapitan Bolanio mihangyo sa kagamhanan sa pag-implementar sa “Hapsay Kable” diha sa ilang barangay labina sa intersection sa Clementino Chavez ug Venus Street.

Matod  sa kapitan  nga napasagdan ang gabitaybitay nga mga wires sa kadalanan, gawas nga  nakahatag  usab  kinig pelegro, pipila na usab  ka disgrasya ang nahitabo tungod  sa maong mga wires.

Gipaabot  motambong sa tigom aron paghatag sa ilang opinyon sila si  Konsehal Maria Lourdes Gaane, Kenneth  John  Sacala, Malvern Esparcia, Ian Mark Nacaya, Roger Abaday, Yevonna Yacine Emano, Christian  Rustico Achas, Edgar Cabanlas ug Bise Mayor Bebot Rodriguez.