Kapin 5mil nga scholars midawat sa allowances

“We are giving out allowances for those city scholars who don’t have ATM cards.”Kini ang pagpahibalo ni Konsehal Suzette Magtajas-Daba atol sa sesyon sa Lunes nga gidumala ni Bise Mayor Bebot Rodriguez.Matod sa konsehal nga nagsugod niadtong Biernes ang pagpanghatag ngadto sa kapin 5 mil ka mga scholars sa dakbayan ang midawat sa ilang mga allowances.

Mahinumdoman nga ang matag scholar nga nagtungha sa University of Science and Technology of Southern Philippines (USTP) midawat og P3,500 matag bulan; ang scholar gikan sa hinterland barangays adunay P1,500 matag bulan ug ang scholar gikan sa city proper modawat og P1,000 matag bulan.

Samtang ang medical ug law scholars midawat usab og P5,500 matag bulan.Kasamtangan aduna 15 mil ka mga scholars ang kagamhanan sa dakbayan, sumpay ni Konsehal Daba.

Siya mihagit sa mga scholars sa pag-maintain sa ilang scholarship nga gihatag sa kagamhanan kay ang kakabos dili babag sa pagkab-ot sa kalampusan.