Kampanya pag-promote sa agri learning sites, centers giawhag

Ang konseho sa syudad ubos ni Bise Mayor Bebot Rodriguez kusganong nanawagan sa rehiyonal nga buhatan sa Department of Agriculture (DA-10) nga palapdan ang kampanya dinha sa pag-promote sa mga agricultural learning sites o’ learning centers dinhi sa dakbayan sa Cagayan de Oro nga naakredit sa Agricultural Training Institute (ATI).

Kini human gisagop sa konseho sa milabayng sesyon nga gidumala ni Presiding Officer Protempore Konsehal Edgar Cabanlas misagop sa resolosyon alang sa maong katuyuan.

Gipasabot nga unta mapaabot ngadto sa katawhan pinaagi sa social media ug uban pang online platform ang gitanyag sa maong mga learning sites o’ centers aron daghang Kagay-anon ang maagni ug maaghat nga mosalmot ug makakat-on sa gikinahanglang kahibalo alang sa dugang kaarangan sa kinabuhi.

Ang resolosyon nga gisagop sa konseho gipangamahanan nila ni Konsehal Ian Mark Nacaya, Yvy Emano ug Jose Pepe Abbu Jr. ug gipaluyohan sa komite sa planning ug pamalaod ni Konsehal Nacaya.