Kahiwian sa kontrata sa panubig nadiskubre

 SI Konsehal James Judith, Chairman sa Technical Working Group (TWG) for Fact-Finding Inquiry and Investigation sa Water Supply Distribution, adunay nakitang kahiwian sa kontrata sa panubig sa syudad.

Nasayran niya kini atol sa nagpadayong imbestigasyon sa ikaduhang adlaw sa maong pakisusi sa fact-finding team kinsa maoy ilang dinapit si kanhi Cagayan de Oro Water District (COWD) General Manager Engr. Rachel Beja.

Sumala ni Konsehal Judith nga mismo si Engr. Beja ang mirekomendar sa pagsupak sa pagsulod sa kontrata tali sa COWD ug Metro Pacific tungod kay disbentaha kini ug wala kini kapasidad nga mosupply sa bulto nga tubig kay wala man kini planta sa syudad.

Gani, matod ni Beja wala siya’y nahimo kay ang mga miyembro sa Board of Directors (BOD) sa COWD ang nagdesisyon.

Subay niini, malaumon si Konsehal Judith nga madugangan pa ang impormasyon nga ilang  makuha sa sunod nga panagtigom  tungod  ilang  gidapit  ang mga kanhi naglangkob sa Board of Directors sa COWD  aron  paghatag sa ilang  katin-awan sa maong isyu.