Kahigayonan sa pagpanarbaho gitinguha sa brgy Cugman

TUN-AN sa komite sa barangay affairs ni Konsehal Yan Lam Lim ang gisumite nga ordinansa sa barangay Cugman nga naghangyo sa mga pribadong sektor, kontractor ug uban pang mga magpapatigayon sa barangay nga 30% sa dawaton nga mga empleyado unta mga kwalipikado nga molopyo sa barangay.

Tumong sa maong ordinansa ang pag-establisar sa local employment opportunity nga makahatag og saktong kapanginabuhian sa katawhan sa barangay sa ingon nga dili lang ang matag empleyado ang makabenepisyo kun dili ang tibouk pamilya sa mga taga-Cugman.

Gilauman nga piaagi sa maong lakang mahatagan usab sa dugang kaarangan sa pagpanimuyo sa matag molopyo sa barangay.

Nunot niini, ang komite sa barangay affairs ni Konsehal Lim gipaabot nga mopahigayon sa tigom aron pagtuki sa maong lakang ug paghatag sa angayang rekomendasyon.