Kagay-anon nga Top 1 sa US Marine gipasidunggan

HINIUSANG giuyonan sa konseho sa syudad atol sa sesyon niadtong Lunes nga gidumala ni Bise Mayor Bebot Rodriguez ang resolusyon nga naghatag pasidungog kang Joshua Ouano,lumad nga Kagay-anon ug anak  ni kanhi City Police Director Ceasar Ouano.

Nasayran nga si Joshua Ouano nahimong Top 1 sa iyang training pagka US Marine. Nagdala sa dakong garbo sa syudad ang paningkamot nga gihimo ni Joshua Ouano tungod kay dili lalim ang iyang nahiagoman aron lamang makab-ot ang maong kalamposan.

Mahinumduman nga dugay usab nga nagsilbi ang amahan niini nga si Ret. Col. Ceasar Ouano sa syudad isip City Police Director nga dakog natabang aron mamintinar ang kahusay ug kalinaw sa dakbayan.

Ang resolusyon nga gipalabang sa konseho alang sa maong katuyoan gipangamahanan ni Konsehal Edgar Cabanlas, Chairman sa Komite sa Urban and Rural Poor and Housing Development.