Kababaihan sa CDO, wala napasagdan -Dahino

PADAYON ang pagpakabana ug wala gipasagdan ang kababaihan sa syudad.

Kini ang gipadayag ni Konsehal Edna Dahino, chairman sa komite sa Women and Family Relations, atol sa usa ka programa nga gipasiugdahan sa Uswag Mindanao Exclusive bag-ohay lang nunot sa pagsaulog sa Women’s Month.

Si Dahino mibutyag nga dako kaayo ang papel sa kababaihan sa kalamboan sa syudad maong mahinungdanon kaayo nga sila makabaton sa kahanas sa ingon nga kun adunay mga problemang masinati makasugakod kini.

Sa maong programa, gipasalamatan sa konsehala ang kababaihan sa aktibong partisipasyon sa mga kalihukan sa komunidad ug matod niya nga angayan nga masayran nga wala gayud napasagdan ang mga kababaenhan sa syudad.